FréttirSkrá á póstlista

21.08.2017

Smíði Viðeyjar RE miðar vel

,,Þessu miðar ágætlega hjá okkur og við erum að miða við að skipið verði komið heim fyrir jól. Það er að styttast í prufukeyrslu á vélbúnaði og verður ljósavélum startað í vikunni.“

Þetta sagði Þórarinn Sigurbjörnsson, skipaeftirlitsmaður HB Granda í Céliktrans skipasmíðastöðinni í Tyrklandi er haft var samband við hann. Í stöðinni er nú unnið að smíði og frágangi á ísfisktogaranum Viðey RE en hann er síðastur í röð raðsmíði á þremur nýjum ísfisktogurum fyrir HB Granda. Tveir togaranna, Engey RE og Akurey AK, eru komnir heim. 

Að sögn Þórarins er nú unnið við inréttingar og rafmagnsvinnu í íbúðum um borð í Viðey og gengur sú vinna ágætlega. Þá er byrjað að innrétta brúna og verið er að ganga frá kælitækjum í lest.

 ,,Það er svo stefnt á að farið verði í reynslusiglinguna í fyrstu vikunni í nóvember en skipið á að vera komið til Reykjavíkur fyrir jól,“ segir Þórarinn Sigurbjörnsson.

 


Fleiri myndir með frétt

Nýjustu fréttir

Allar fréttir