FréttirSkrá á póstlista

31.10.2016

HB Grandi fékk umhverfisverðlaun Akraness

Á laugardag voru veittar umhverfisviðurkenningar Akraneskaupstaðar fyrir einstaklegar fallegar og snyrtilegar einka-, fyrirtækja- og fjölbýlishúsalóðir. Féllu verðlaunin HB Granda í skaut í flokknum snyrtilegustu fyrirtækjalóðirnar á Akranesi.

Verðlaunaafhendingin fór fram í Tónlistarskólanum á Akranesi í hádeginu í laugardag og var það Daníel Haraldsson, tæknistjóri HB Granda á Akranesi, sem veitti verðlaununum viðtöku fyrir hönd félagsins.

Á undanförnum mánuðum hefur HB Grandi staðið fyrir miklu hreinsunarátak á Akranesi, í framhaldi af kaupum félagsins á lóðum á athafnasvæði þess á Breiðinni. Metnaður hefur verið lagður í að snyrta lóðir, mála húsnæði og fegra umhverfið. Þá hefur verið unnið í því að fjarlægja brotajárn og aðra málma sem safnast hafa upp á undanförnum árum. Aðilar sem eiga húsnæði eða eru með rekstur á svæðinu hafa einnig tekið þátt í að fegra sitt umhverfi. Daníel Haraldsson, hefur haft veg og vanda með þessum framkvæmdum sem eru félaginu til mikils sóma og því vel við hæfi að hann tæki á móti verðlaununum.

 


Fleiri myndir með frétt

Nýjustu fréttir

Allar fréttir