FréttirSkrá á póstlista

26.11.2015

Faxi RE og Lundey NS hverfa úr rekstri HB Granda

Uppsjávarveiðiskipin Faxi RE og Lundey NS luku sínum síðustu veiðiferðum fyrir HB Granda nú í byrjun vikunnar. Bæði skipin komu þá til hafnar á Vopnafirði með kolmunna sem fór til bræðslu hjá fiskmjölsverksmiðju félagsins á staðnum.

Að sögn Vilhjálms Vilhjálmssonar, forstjóra HB Granda, verður Faxi væntanlega afhentur nýjum eiganda, Vinnslustöðinni í Vestmannaeyjum, um miðjan desembermánuð nk. Skipið er nú í Reykjavík þar sem það fer í slipp fyrir afhendingu. Unnið er að því að selja Lundey en nýtt uppsjávarveiðiskip, Víkingur AK, er væntanlegt til landsins frá Tyrklandi fyrir áramót. Munu nýja skipið og Venus NS, sem afhent var fyrr á árinu, sjá um að veiða þann kvóta sem Ingunn AK, Faxi og Lundey sáu áður um að veiða.

Nýjustu fréttir

Allar fréttir