FréttirSkrá á póstlista

22.11.2014

Frekari uppbygging á athafnasvæði HB Granda í Reykjavík

Í gær var undirritaður samningur á milli HB Granda og Íslenskra aðalverktaka (ÍAV) um framkvæmdir við Norðurgarð í Reykjavík. Samningurinn sem hljóðar upp á rúmlega 500 milljónir króna tekur til byggingar 1.440 fermetra viðbyggingar við fiskiðjuver félagsins á Norðurgarði og 260 fermetra sorpflokkunarstöðvar auk aðstöðu til geymslu veiðarfæra.

Að sögn Vilhjálms Vilhjálmssonar, forstjóra HB Granda, verður umbúðageymsla auk sameiginlegs verkstæðis fiskvinnslu og útgerðar í viðbyggingunni við fiskiðjuverið. Varahlutalager útgerðar mun flytjast úr Bakkaskemmu í núverandi umbúðageymslu við Norðurgarð.

Í kjölfar undirritunar samningsins var fyrsta skóflustungan fyrir viðbygginguna við Norðurgarð tekin. Gert er ráð fyrir framkvæmdum ljúki um mitt sumar 2015. Þá mun öll starfsemi HB Granda í Reykjavík fara fram á athafnasvæði félagsins en nú eru bæði verkstæði útgerðar og veiðarfæri utan þess.

 

Nýjustu fréttir

Allar fréttir