FréttirSkrá á póstlista

09.08.2013

Smærri makríll en á undanförnum vertíðum

Von er á Ingunni AK til Vopnafjarðar nú um kvöldmatarleytið með um 550 tonna afla og er uppistaða hans að mestu leyti makríll. Ingunn hefur verið að veiðum fyrir sunnan og suðvestan Litla-Djúp og að sögn Guðlaugs Jónssonar skipstjóra hefur veiðin verið mjög gloppótt, góður afli einn daginn en tregara þess á milli.

,,Þessi vertíð er algjörlega frábrugðin nokkrum síðustu vertíðum, að mínu mati. Það hefur þurft að hafa meira fyrir aflanum og makríllinn er smærri og blandaðri en áður,“ segir Guðlaugur. Veðráttan hefur sömuleiðis verið óhagsstæðari en þó ekki til mikilla vandræða enn sem komið er.

Að sögn Guðlaugs er togað í þetta þrjá til fimm tíma í senn. Í gær var makríllinn, sem veiddist frá um 360 grömmum og upp í ríflega 400 grömm. Uppsjávarveiðiskipin hafa haldið sig að veiðum úti fyrir SA-landi á meðan togararnir hafa verið að veiðum vestur af landinu. Ein þrjú skip reyndu fyrir sér úti við miðlínumörkin á milli Íslands og Grænlands og þar var ágæt veiði í eina tvo daga, að sögn Guðlaugs.

Faxi RE og Lundey NS eru nú á miðunum en í fiskiðjuverinu á Vopnafirði er verið að ljúka við að vinna úr afla sem Faxi kom með þangað fyrr í vikunni.

 

Nýjustu fréttir

Allar fréttir