FréttirSkrá á póstlista

08.10.2012

HB Granda veitt umhverfisverðlaun Akraneskaupstaðar 2012

Skipulags- og umhverfisnefnd Akraness hefur ákveðið að veita HB Granda umhverfisverðlaun Akraneskaupstaðar 2012 fyrir fallegustu fyrirtækjalóðina í sveitarfélaginu.

Frá þessu er greint á heimasíðu Akraneskaupstaðar en umhverfisverðlaunin eru veitt árlega fyrir fallegustu einkalóðina, fyrirtækja- eða stofnanalóðina, fallegustu götumyndina og eins fyrir besta framtak íbúa- og félagssamtaka. Í flokki fyrirtækja- og stofnanalóða stóð valið á milli HB Granda og Dvalar- og hjúkrunarheimilisins Höfða.

Að sögn Vilhjálms Vilhjálmssonar, forstjóra HB Granda, er þessi viðurkenning starfsfólki HB Granda á Akranesi til mikils sóma og hvatning fyrir félagið og starfsfólk þess. Áhugi á umgengni og umhirðu fari sívaxandi og mikilvægt sé að hvort tveggja sé til fyrirmyndar.

Nýjustu fréttir

Allar fréttir