FréttirSkrá á póstlista

26.04.2010

Kolmunnaveiðar ganga vel

Hratt hefur gengið á kolmunnakvóta HB Granda að undanförnu og nú eru aðeins óveidd um 3.000 tonn af kvóta ársins. Það samsvarar einni veiðiferð til viðbótar hjá tveimur af uppsjávarveiðiskipum félagsins.

,,Faxi RE og Lundey NS eru á leiðinni til Vopnafjarðar með fullfermi af kældum afla eða alls um 2.700 tonn. Faxi er væntanlegur í kvöld en Lundey í fyrramálið,“ segir Vilhjálmur Vilhjálmsson, deildarstjóri uppsjávarveiðisviðs HB Granda, en að hans sögn er heildarkolmunnaafli skipa HB Granda á vertíðinni nú orðinn rúmlega 14 þúsund tonn.

Faxi og Lundey hafa síðustu dagana verið að veiðum suður af Færeyjum en Ingunn AK er í slipp þar sem tími var kominn á reglubundið eftirlit og viðhald.

Nýjustu fréttir

Allar fréttir