FréttirSkrá á póstlista

12.01.2009

Kolmunnaveiðar hafnar

Þar sem að litlar líkur eru á því að loðnuveiðar verði heimilaðar á næstunni hefur verið ákveðið að senda skip HB Granda til kolmunnaveiða. Lundey NS er komin á miðin suður af Færeyjum, Faxi RE er á leið á miðin og áætlað er að Ingunn AK fari frá Reykjavík í kvöld.

Að sögn Vilhjálms Vilhjálmssonar, deildarstjóra uppsjávarsviðs HB Granda, voru það mikil vonbrigði að ekki skyldi mælast meira af loðnu í loðnuleitinni í síðustu viku. 

,,Það var góð kolmunnaveiði suður af Færeyjum í síðustu viku og við ákváðum því að senda skipin til kolmunnaveiða. Áhöfnin á Lundey NS hóf veiðarnar í morgun og þess ætti að verða skammt að bíða að Faxi RE geti hafið veiðar,“ segir Vilhjálmur Vilhjálmsson.

Þess má geta að skip HB Granda mega veiða tæplega 24.300 tonn af kolmunna á þessu ári.

Nýjustu fréttir

Allar fréttir