FréttirSkrá á póstlista

27.11.2008

Ferðasjóðurinn fór til Mæðrastyrkssjóðs

Skipverjar af frystitogaranum Þerney RE afhentu í gær Mæðrastyrksnefnd eina milljón króna til styrktar starfi hennar. Um er að ræða ferðasjóð áhafnarinnar en greint er frá þessu máli í Morgunblaðinu í dag.

„Við erum búnir að safna okkur upp ferðasjóði í nokkur ár sem við höfðum hugsað okkur að nýta í ferðalög þegar skipið færi í slipp,“ segir Kristinn Gestsson, skipstjóri.

„Svo dynja þessi ósköp yfir í haust og þá fórum við að endurmeta okkar áætlanir og hugsuðum að það væri kannski ágætt að sýna frekar samstöðu með fólki sem þyrfti á því að halda.“ Því var ákveðið einum rómi að hætta við allar ferðaáætlanir í bili en leggja í staðinn stærstan hluta sjóðsins í gott málefni. „Það er leiðinlegt að leggjast í ferðalög þegar aðrir hafa það svona skítt, og við höfum fylgst með Mæðrastyrksnefnd í gegnum tíðina og því óeigingjarna starfi sem þar fer fram,“ segir Kristinn og vonar að aðrir feti í sömu fótspor, sýni samstöðu og leggi sitt af mörkum.

Sjá frétt á Mbl.is .

Nýjustu fréttir

Allar fréttir