Djúpkarfi og úthafskarfi veiðast innan og utan landhelgi af ísfisk- og frystitogurum HB Granda. Djúpkarfinn finnst víða fyrir vestan, sunnan og austan land en úthafskarfinn er mest veiddur á Reykjaneshrygg, suðvestur af landinu.

Karfinn er unninn um leið og hann kemur um borð í frystitogarana; ýmist hausskorinn eða flakaður og lausfrystur. Í ísfisktogurum fyrirtækisins er aflinn ísaður í kör og honum haldið kældum til að varðveita hráefnisgæðin. Hann er svo unninn í fiskiðjuverinu í landi. Þar er hann hausskorinn og vélflakaður. Flökin eru síðan snyrt og stærðarflokkuð og þeim pakkað í samræmi við óskir kaupenda.

HB Grandi leggur einnig áherslu á sölu ferskra kældra karfaflaka sem send eru samdægurs með flugi á markaði í Evrópu.